香港語/廣東話/粵語 English

無論陰晴圓缺，我哋齊上齊落

月明公庫

捐款 | 申請 | 財務摘要 | 更多方法撐手足 | 社交平台

@studioincendo, CC BY 4.0

月明公庫為喺抗爭中被捕、受傷、流亡嘅義士提供經濟支援，支付法律、醫療等費用。

烽煙散去，但拘捕檢控未有停止。好多手足仍然面對冗長嘅官司、身陷囹圄，又或者仍然受傷勢所困。惡法張牙舞爪，暴政肆無忌憚。囚權受壓，法援權利收窄。香港嘅社運組織、傳媒一一解散。

黎明未見，黑夜磨人，但香港人從未放棄。

雖然口號聲已成絕響，但我哋毋忘初心。雖然再見唔到萬人空巷嘅景象，但無數嘅同路人繼續默默耕耘，各自努力。

各位香港人，即使我哋隔住高牆鐵窗，跨唔過汪洋大海，當望到同一輪明月，希望你會諗起最珍重嘅人。諗起你嘅至親至愛。諗起一齊嗌過嘅口號、一齊唱過嘅歌。諗起一齊進退過，一齊跑過、喊過嘅戰友。諗起我哋同行嘅橫街窄巷，一齊守護嘅山城海港。諗起一齊同行嘅香港人，一直記住你嘅香港人，齊上齊落嘅香港人。

請支持月明公庫，無論陰晴圓缺，香港人齊上齊落。

申請 捐款

多謝你撐手足！你嘅捐款有超過八成會直接幫到手足，詳情請見財務摘要。

捐款不享稅務減免，月明公庫匿名營運，另見「更多方法撐手足」。

捐款前請細閱安全建議。

信用卡、扣帳卡、Apple Pay

月明公庫好快會收信用卡，敬請訂閱我哋嘅社交平台户口接收最新資訊。

加密貨幣

為保障閣下安全

各加密貨幣地址：

申請

月明公庫目前盡力支援有需要手足嘅律師費、保釋金、難民聲請開支、簽證費同緊急醫療開支，並按急切程度一筆過或分期發放全額或部分津貼。由於資金有限，有可能未服務到所有手足，到時敬希閣下諒解。

現接受申請

歡迎有需要嘅手足提出申請。如果手足本人被還押，請代表律師或一位親友代為申請。親友請顧及自己同手足安全，唔好喺探訪期間同書信入面向還押手足提及申請經濟支援。另外，月明公庫目前匿名運作，如有疑慮，可以考慮細葉榕在囚及更生人士支援基金。

申請人

申請時請證明自己嘅身份，提供案件嘅相關文件，並出示所需費用嘅單據或付款通知。月明公庫可能需要經視像通話為你驗證身份。

身份證明文件可以係護照或者身份證。代申請人需要提供手足同自己嘅身份證明文件，並請盡力證明自己同手足嘅關係，或得到授權。例如手足嘅父母、兄弟姊妹可以用出世紙證明關係。如果係配偶，可以出示結婚證書。案件嘅相關文件例如控罪書、保釋紙、難民聲請文件、簽證、新聞報導。

申請文件舉例

你嘅私隱同安全至關重要，月明公庫使用點對點加密通訊處理你嘅申請，加密儲存所有申請資料並適時銷毀，未經閣下同意，唔會向第三方分享任何資料。

申請、查詢,請用Signal、Whatsapp或加密電郵聯絡月明公庫。如果未用過加密電郵，請先喺protonmail.com註冊免費加密電郵帳户。

聯絡

安全資訊

財務摘要

為咗盡力保障受益人同捐款人嘅安全，月明公庫凈係公佈財務摘要，而未能提供確切金額，敬請見諒。如果因此令你卻步，可以參考「更多方法撐手足」。

最後更新：2021年12月12日

截至2021年12月1日

總捐款 < 總支出

總捐款少過總支出，未能滿足所有受益人需要，敬請踴躍捐款。未支出捐款按本結算日港幣等值計算,已支出捐款按支出當月港幣等值計算。

12月捐款比上月增加（下月更新）

多謝你撐手足！捐款按當月港幣等值計算。

12月支出比上月減少（下月更新）

支出按當月港幣等值計算。

對受益人支出佔總支出 >80%

你嘅捐款有超過八成會直達手足。月明公庫量入為出，審慎理財，致力令你嘅捐款用得其所，幫到手足，並避免非必要嘅行政同財政開支。

資產離港

為確保月明公庫持續運作，你嘅捐款會即時離開香港。

捐款支持月明公庫

更多方法撐手足

還押、保釋候審、在囚、出冊手足（排名不分先後）

參考 https://t.me/condomhandjoke/1545

捐款支持月明公庫

社交平台

請訂閱我哋嘅社交平台户口接收最新資訊：

捐款支持月明公庫